2018年4月1日星期日

【蘋果娛樂】安室奈美惠臨別鞠躬謝港迷

日本樂壇天后安室奈美惠一連兩場香港告別演唱會已圓滿結束,昨晚尾場在11點完騷,安室講完謝辭後都一度哽咽兼眼濕濕,不過都忍得住,未如前晚般泣不成聲。安室將於9月引退,相信香港fans再冇機會見到呢位一代天后,大批港迷當然好唔捨得,安室連續兩晚紅館騷自然都搞喊不少fans。
安室昨晚完騷到新斗記慶功,今日佢就啟程返日本,結束香港告別之旅。約中午1時左右,安室由工作人員陪同下離開洲際酒店前往機場,其現身即吸引在場守候嘅粉絲尖叫,安室雖然冇停下腳步,但佢都有擰一擰轉跟港迷點頭打招呼,同佢曾經傳緋聞嘅好拍檔西茂弘就從後跟住上車。安室乘七人車直駛往機場,一行三車約1點幾到達機場,現場有大批歌迷及傳媒等候,約十多個保安築起人牆圍住安室,沿途吸引粉絲上前,場面頗混亂,當安室被護送到禁區後,安室除帽入閘,臨別時都有鞠躬及揮手向fans作道別。

沒有留言:

發佈留言