【蘋果娛樂】《仲有廿個貨櫃》最後一次！安室奈美惠抵港 歌迷瘋狂尖叫

日本天后安室奈美惠將於今晚抵港，周五及周六晚假紅館舉行引退前嘅告別演唱會，兩場個唱門票早被掃清，認真係一票難求。

為咗今次兩場紅館騷，日方用上廿個貨櫃把舞台及器材分別以船運、空運抵港，本周一開始已有逾百日本工作人員先行到港作好準備，安室本人就於今晚抵埗，同行還有其音樂上好拍檔西茂弘，吸引半百歌迷接機。安室於晚上8時許步出接機大堂時，現場粉絲立即尖叫聲不絕，安室由多位職員及保安護送，其間佢亦有向fans打招呼及微笑。而機場場面混亂，有fans跌倒。

而安室離開機場後，座駕直駛到酒店，安室落車時戴着cap帽落車，並已除低外套，自己拎住，佢全程低頭。雖然現場冇乜fans等候，但保安仍然嚴密，怕有人逼埋安室身邊。

安室明天會進行綵排，結束兩場演唱會後，安室暫定4月1日離港。安室兩場港騷用上廿個貨櫃把舞台及器材分別以船運、空運抵港，周一開始已有逾百日本工作人員先行抵埗，安室今日會到場館進行綵排，此行會逗留至周日離港。