【蘋果娛樂】安室奈美惠今晚開騷 小妹妹扮偶像最搶鏡

日本天后安室奈美惠今晚喺亞博開騷，何傲兒自己一個到場睇騷。有日本粉絲扮到靚一靚到場支持偶像，有一名粉絲穿上特攻服，用咗成10萬日圓（約6,861港元），另一位就件皮褸後面有安室嘅肖像，價值20萬日圓（約1.37萬港元）。

不過全場最受歡迎係一位約3、4歲嘅小妹妹，佢打扮成安室咁樣，相當可愛。一位好高嘅男粉絲亦唔輸蝕，穿上藍色露肩裝扮安室，真係好愛偶像！

一班Fans未開場前已經自high，喺場外跳舞，期待安室開騷。